March 29, 2024

The Bihar

Bihar's #1 Online Portal

बक्सर के लाल विशाल तिवारी के धमाल

1 min read

vishal-tiwariपिछला साल के सुपर हिट फिलिम “भाई जी” से बतौर नायक आपन फ़िल्मी करियर शुरू करे वाला अभिनेता विशाल तिवारी अब भोजपुरी सिनेमा के अटूट हिस्सा गइल बाड़न आ दिनोदिन एक से बढ़के एक मजगर किरदार करत जात बाड़ें.

होली का मौका बिहार में रिलीज फिलिम ’चरणों के सौगंध’ के जाँबाज़ पुलिस इंस्पेक्टर बनल विशाल तिवारी के अभिनय के सभे सराहत बा.

जान जाईं जे बक्सर, बिहार के मूल निवासी विशाल तिवारी भोजपुरी सिनेमा नें बतौर निर्माता आइल रहलें आ फिलिम “फूल बनल अंगार” बनवले रहलें. एही फिलिम में यूनिट के दबाव में बतौर अभिनेता एगो छोटहन भूमिको कइले रहलें. एहसे कैमरा फेस करे के आत्मबिश्वास बढ़ल त फिलिम “भाई जी” से विशाल तिवारी पूरा तरह से नायके बन गइलन.

फिलिम चरणों की सौगंध में विशाल तिवारी आ खेसारीलाल यादव के किरदार दीवार फिलिम के शशि कपूर अमिताभ के जोड़ी याद करा देत बा. खेसारी लाल के तारीफ करत विशाल तिवारी के कहना बा कि उनका से बहुते कुछ सीखे के मौका मिलल.

विशाल तिवारी अब “लड़ाई” फिलिम में नजर आवे वाला बाड़न. एकरा के आनंद गहतराज निर्देशित कइले बाड़न.

Courtesy: Bhojpurika.com

Leave a Reply

Your email address will not be published. Required fields are marked *